କଂଗ୍ରେସରୁ ଇସ୍ତଫା ଦେଲେ କ୍ୟାପଟେନ ଅମରିନ୍ଦର, ଗଢ଼ିଲେ ନୂଆ ଦଳ

0 23

ଚଣ୍ଡିଗଡ଼: ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ଅମରିନ୍ଦର ସିଂହ ପଞ୍ଜାବ ଲୋକ କଂଗ୍ରେସ ନାମରେ ନୂଆ ରାଜୀନିତକ ଦଳ ଗଠନ କରିଛନ୍ତି। ତେବେ ନୂଆ ଦଳ ଘୋଷଣା କରିବା ପୂର୍ବରୁ ଅମରିନ୍ଦର କଂଗ୍ରେସରୁ ଇସ୍ତଫା ଦେଇଛନ୍ତି। ସେ କଂଗ୍ରେସ ସଭାପତି ସୋନିଆ ଗାନ୍ଧୀଙ୍କୁ ଚିଠି ଲେଖି ଇସ୍ତଫା ଦେଇଛନ୍ତି। ସୂତ୍ରରୁ ପ୍ରକାଶ ଯେ ସେ ଦଳର ସଭାପତି ସୋନିଆ ଗାନ୍ଧୀଙ୍କ ନିକଟକୁ ସାତ ପୃଷ୍ଠାର ଇସ୍ତଫା ପତ୍ର ପଠାଇଛନ୍ତି। ରାଜ୍ୟ କଂଗ୍ରେସ ମୁଖ୍ୟ ନବଜୋତ ସିଦ୍ଧୁଙ୍କ ସହ ବିବାଦ ମଧ୍ୟରେ ସିଂ ସେପ୍ଟେମ୍ବରରେ ପଞ୍ଜାବର ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ।

ଚିଠିରେ ସେ ଲେଖିଛନ୍ତି ଯେ ସିଦ୍ଧୁଙ୍କର ଖ୍ୟାତି ପାଇଁ ଏକମାତ୍ର ଦାବି ହେଉଛି ଯେ ସେ ମୋତେ ଏବଂ ମୋ ସରକାରକୁ ଦୁର୍ବ୍ୟବହାର କଲେ। ସେ ରାହୁଲ ଏବଂ ପ୍ରିୟଙ୍କାଙ୍କ ପୃଷ୍ଠପୋଷକତାରେ ଥିବାବେଳେ ଆପଣ ଏହି ଭଦ୍ରଲୋକଙ୍କ ପ୍ରତାରଣାକୁ ଆଖି ବୁଜି ଦେଇଥିଲେ, ଯିଏକି ହରିଶ ରାୱତଙ୍କୁ ସାହାଯ୍ୟ କରିଥିଲେ ଏବଂ ଉତ୍ସାହିତ କରାଇଥିଲେ। ଆଉ ଏହି ବ୍ୟକ୍ତି ଜଣଙ୍କ ସବୁଠାରୁ ସନ୍ଦେହଜନକ ବୋଲି କ୍ୟାପଟେନ ଲେଖିଥିବା ସୂଚନା ରହିଛି।

ସେ ଆହୁରି ଲେଖିଛନ୍ତି କ୍ୟାପଟେନ ହରିଶ ରାୱତ ମଧ୍ୟରାତ୍ରିରେ ମୋ ବିରୋଧରେ ଷଡଯନ୍ତ୍ର ରଚିଥିଲେ। ଏହି ଷଡଯନ୍ତ୍ର ରାହୁଲ ଏବଂ ପ୍ରିୟଙ୍କାଙ୍କ ନିର୍ଦ୍ଦେଶ କ୍ରମେ ହୋଇଥିଲା। ଆପଣଙ୍କ ସନ୍ତାନଙ୍କ ଆଚରଣରେ ଆଘାତ ହୋଇଛି | ମଧ୍ୟରାତ୍ରିରେ କଂଗ୍ରେସ ବିଧାୟକ ଦଳର ବୈଠକ ଡକାଯାଇଥିଲା। ଯେଉଁ ବୈଠକ ବାବଦରେ ତାଙ୍କୁ କୁହାଯାଇନଥିଲା ବୋଲି କ୍ୟାପଟେନ କହିଛନ୍ତି।

ଅମରିନ୍ଦର ସିଂ ସୋମବାର କହିଛନ୍ତି ଯେ ପଞ୍ଜାବରେ ହେବାକୁ ଥିବା ବିଧାନସଭା ନିର୍ବାଚନରେ ସେ କିଭଳି ମୁଖ୍ୟମନ୍ତ୍ରୀ ହେବେ ସେ ନେଇ ଚିନ୍ତିତ ନୁହେଁ ବରଂ କଂଗ୍ରେସ ଏବଂ ଆମ୍ ଆଦମୀ ପାର୍ଟି (ଏଏପି) କୁ  କିଭଳି ପରାସ୍ତ କରି ହେବ ସେ ନେଇ ଚିନ୍ତା କରିବେ। ତେବେ ସେ ଭାରତୀୟ ଜନତା ପାର୍ଟି (ବିଜେପି) ର ବରିଷ୍ଠ ଅଧିକାରୀଙ୍କ ସହ ଏ ବାବଦରେ ଆଲୋଚନା କରିନାହାନ୍ତି, କିନ୍ତୁ ବିଜେପି ଏବଂ ଅକାଳୀ ଦଳ ସହ ମିଶି ସରକାର ଗଢିବାକୁ ସେ ରାଜି ବୋଲି କହିଛନ୍ତି।

Leave A Reply

Your email address will not be published.

error: Content is protected !!